احدث الاخبار

قناة APUTV

قناة anb

حملة خلي بالك على بلادك على الفيس بوك

اخبار سريعة

كليب "داري يا قلبي" يتخطى 21 مليون مشاهدة بعد 15 يوم من طرحه

كتب : محمود اسماعيل

في الآونة الأخيرة من العام الماضي وحتى الان ، تظهر لنا شخصيات يقولوا أن الابداع والفن ليس في الكلام المبتزل او الفيديوهات السفيفه التي تفتت فكر الشباب بنات واولاد ، بالملاحظه العابره ستجد كليب مثل بص امك الذي انتهى ببطلته الى السجن ، وعلى غرارها فيديو كليب عندي ظروف، تجد من الفنانين الموهوبين الشباب مثل حمزة نمرة اغنية " داري يا قلبي " حققت أعلى نسب الاستماع قبل أن يستعد لتصويرها .

حقق كليب "داري يا قلبي" بعد ساعات فقط من طرحه في الأسواق مليون مشاهدة ، والآن بعد 15 يوم من طرحه وصل الى 22 مليون مشاهدة .

ومن جدير بالذكر ان اغنية "داري يا قلبي" هي ضمن قائمة الأغاني الخاصة  بألبوم "من تاني هطير "لحمزة نمرة والاغنية من كلمات الشاعر محمود فاروق وألحان حمزة نمرة وقاما بعزف الجيتار سلمان الحسينى وشريف فهمي اما العود لهشام عصام وقد تم تسجيل الاغنية في استديو اكسجين” مصر ” استوديو عمان  “لندن” اما الإنتاج لعبد الرحمن الجروانى وقام بإخراج الكليب المخرج انس طلبة .


كلمات الأغنية:


مش باين ليه ؟

قلبك تايه من مدة كبيرة

خايف تتكلم ليه ؟

في عيونك حيرة و حكاوي كتيرة

متغير ياما عن زمان

قافل علي قلبك البيبان

حبيت و فارقت كام مكان

عايش جواك

إحساسك كل يوم يقل

و تخطي و خطوتك تذل

من كتر ما أحبطوك تمل

فين تلقى دواك ؟

بتودع حلم كل يوم

تستفرد بيك الهموم

و كله كوم والغربة كوم

و الجرح كبير

مبتديش حاجة اهتمام

اهلًا اهلًا ، سلام سلام

بقا طبعك قلة الكلام

و مفيش تفسير

داري .. داري

يا قلبي مهما تداري

قصاد الناس حزننا مكشوف

و أهو عادي

عادي

محدش في الدنيا دي ، يتعلق بشىء

إلا و فراقه يشوف

كل الي معاك في الصورة غاب

وطنك و الأهل و الصحاب

كام واحد ودع و ساب

من غير أسباب

شايف في عنيك نظرة حنين

بتحن لمين ولا مين ؟

طول عمرها ماشية السنين

و الناس ركاب

مع دقة عقرب الساعات

بتموت جوانا ذكريات

عشمنا قلوبنا باللي فات

و نسينا نعيش

كان مكتوب نمشي الطريق

و نفارق كل مادا شىء

اتسرق العمر بالبطيء

و رسي علي ما فيش

داري … داري

يا قلبي مهما تداري

قصاد الناس حزننا مكشوف

و أهو عادي ..

محدش في الدنيا دي يتعلق بشىء ..

إلا و فراقه يشوف

داري … داري

يا قلبي مهما تداري

قصاد الناس حزننا مكشوف

و أهو عادي .. عادي

محدش في الدنيا دي يتعلق بشىء ..

إلا و فراقه يشوف.

أضف تعليق

لا يوجد تعليقات